Ég er menntuð þroskaþjálfi og kynjafræðingur ásamt því að vera með viðbótardiplómu í hagnýtri jafnréttisfræði og stunda doktorsnám í uppeldis- og menntunarfræði. Ég var framkvæmdastýra NPA miðstöðvar árið 2010-14, hef verið talskona Tabú frá 2014 og starfa nú sem aðjúnkt við HÍ ásamt því að vera sjálfstætt starfandi.
Ég hef mikla reynslu af fræðslustarfi á öllum skólastigum, hjá félagsmiðstöðvum, í frístundarstarfi, hjá sveitarfélögum, innan ólíkra hagsmunasamtaka og í alþjóðlegu starfi og tek að mér styttri fræðslur sem og lengri námskeið fyrir börn og fullorðna.
Sérsvið mitt liggur víða, m.a.:
- Ableismi og fötlunarfordómar
- Sálrænar afleiðingar af mismunun fyrir jaðarsetta hópa, einkum fatlað fólk
- Margþætt mismunun
- Valdefling og forvarnir gegn ofbeldi
- Áhrif forréttinda á fagmennsku
- Hugmyndafræðin um sjálfstætt líf og notendastýrð persónuleg aðstoð.
Hafir þú eða vinnustaður þinn áhuga á fræðslu eða námskeiði hvet ég þig til þess að hafa samband við mig á radgjofogfraedsla@gmail.com.
The Wheeling of Shame and Resistance 